Работилница на тема „Сите сме важни“ организирана од Young Life Capernaum

23.9.2026

Училишни активности, Ученички дом

Секој од нас е важен дел од тимот!

Нашите ученици во ученичкиот дом учествуваа на супер работилница организирана од Young Life Capernaum на тема „Сите сме важни“.Низ забавни активности и дискусии, уште еднаш се потсетивме дека секој поединец во нашиот дом е важен дел од мозаикот кој нè прави силни и сложни. Научивме дека во секоја заедничка работа – придонесот на секој од нас е важен и сечиј труд се брои за да се постигне успех. Научивме како повеќе да се поддржуваме, да се почитуваме и да си помагаме секој ден.

Големо благодарам до тимот на Young Life Capernaum за посетата, прекрасната лекција за тимски дух и инспирацијата! Со нетрпение ги очекуваме следните заеднички дружења.